استفسار | استفسار

**£ м ρ ë ŕ ό я** · 11-08-2008, 01:29 AM

هاى شباب

ازيكم جميعا

انا محمد لسه صغنون فى اولى اعلام

بس مش صغير اوى يعنى

المهم انا مش عارف القسم معدوم ليه هو الناس خايفة تجاوب ولا مش عارفه ولا مكسوفه من الاصل ولا مافيش اعضاء اساسا

انا عندى شويا اسئلة هم حبا مش كتار يعنى

انا عاوز اعرف فيين المكتبة اللى بشترى منها الكتب مش اللى هى فى الجامعة لا التانيه ديه واسمها ايه

وتانى حاجة ايه نظام نسبة الحضور والغياب

وعاوز اعرف اذاكر من الكتاب ولا لا وهل الكتاب مفيد ولا الكتاب مش حلو وفيه مذكرات هتنزل ولا حاجة ايه نظامها ومين اللى بينزلها وبتنزل امتى واخبار الشيتات كمان ايه

وكمان بالمرة اخبار الدكاترة ايه رخمين ولا ايه

وازاى ادخل قسم اذاعة وتلفزيون وايه شروطه

بس كده كفاية دول النهارد

انا بس بسخن صوبعى

**hishmm** · 11-08-2008, 01:20 PM

ازيك يا محمد انا هشام معاك فى اولى اعلام برده انا عرفت ان فى مزكرات هاتنزل قبل الامتحانات من مكتبه اسمها الاندلس

**hishmm** · 11-08-2008, 01:21 PM

انتا اسمك محمد ايه وحضرت ولا لسه؟؟؟؟

**طالبه في معهد اعلام** · 11-21-2008, 04:13 PM

اهلا بيك بص يا سيدي انا فيوحفهمك كل حاجه

اولا بالنسبه للكتب ممكن تشتريها من المعهد نفسه بس لازم تكون دافع مصاريف الترم وتروح الخزنه وتقولهم عايز كتاب ايه وبعدين تنزل تحت في البدروم حتلاقي المكان اللي بتجيب منه الكتب وانت رايح للمسجد كده

وبالنسبه للحضور دا مهم جدا وعليه اغلب درجات اعمال السنه هي والشيت وامتحان الميد ترم

**طالبه في معهد اعلام** · 11-21-2008, 04:20 PM

بالنسبه للمزاكره انا شايفه ان انت تزاكر من الاتنين الكتاب والمذكرات يعني مينفعش تذاكر من الملازم لوحدها ومينفعش تذاكر من الكتاب لوحده لان الكلازم احيانا بتلخص الكلام اوي والكتاب بيبقى كله دش فانت تذاكر من الاتنين
والشيت في دكاتره امتحناتهم بتيجي من الشيت زي د وائل قنديل فمهم اوي قبل ما تشلم الشيت للدكتور تصوره وتخلى نسخه معاك عشان الاسئله النظري كلها بتيجي من الشيت والعملي بتيجي شبيه للفي في الشيت

والدكاتره في منهم رخمين وفي منهم كويسين بس انت تقصد رخمين ازاي يعني بالنسبه لايه

اما قسم ازاعه وتلفزيون دا سهل جدا اهم حاجه ما تشلش مواد لا من اولى ولا من تانيه وتجيب جيد في تانيه

لكن انت ممكن تدخله فرعي من غير ما تشيل مواد خالص اهم حاجه لكن مش مهم التقدير

انشاء الله اكون افدتك

**£ м ρ ë ŕ ό я** · 11-21-2008, 06:43 PM

اقتباس:

المشاركة الأصلية كتبت بواسطة طالبه في معهد اعلام

بالنسبه للمزاكره انا شايفه ان انت تزاكر من الاتنين الكتاب والمذكرات يعني مينفعش تذاكر من الملازم لوحدها ومينفعش تذاكر من الكتاب لوحده لان الكلازم احيانا بتلخص الكلام اوي والكتاب بيبقى كله دش فانت تذاكر من الاتنين
والشيت في دكاتره امتحناتهم بتيجي من الشيت زي د وائل قنديل فمهم اوي قبل ما تشلم الشيت للدكتور تصوره وتخلى نسخه معاك عشان الاسئله النظري كلها بتيجي من الشيت والعملي بتيجي شبيه للفي في الشيت

والدكاتره في منهم رخمين وفي منهم كويسين بس انت تقصد رخمين ازاي يعني بالنسبه لايه

اما قسم ازاعه وتلفزيون دا سهل جدا اهم حاجه ما تشلش مواد لا من اولى ولا من تانيه وتجيب جيد في تانيه

لكن انت ممكن تدخله فرعي من غير ما تشيل مواد خالص اهم حاجه لكن مش مهم التقدير

انشاء الله اكون افدتك

ياه انتتى كنتى فيين من زمان

المفروض ان مادتى من 20

وال20 درجة مقسمه كالأتى

اعمال السنه 6
والامتحان النهائى من 14
واعمال السنه مقسمه كالاتى

3ميد تيرم
2غياب وابحاث
1مشاركه

انا عارف انها تقسيمه ظالمه بس مفيش فى ايدينا حاجه

اتا مش عارف هى مذكرات مكتبة الاندلس مين اللى بيعملها وانا بذاكر فيها ومع الكتاب

ثانيا مش عارف اعمل ايه فى امتحان مادة الانجلش لانى مش عارف هيجى ازاى

ياريت تقدرى تفتكرى الامتحان بيجى كام سوال وايه هم عشان ديه اكتر مادة قلقانى وشكرا طالبة

**طالبه في معهد اعلام** · 11-23-2008, 12:30 AM

بص هو انا لما كنت في سنه اوى كانت ال20 درجه في الترم كلها على الامتحان والترم التاني الامتحان من 60واعمال السنه من 20

بس لو انت متاكد من اللي انت بتقوله يبقى ممكن يكونو غيرو اللايحه بس معتقدش

بس احنا كان عندنا الترم الاول دا مكنش ليه لزمه خااالص اهم حاجه الترم التاني

مذكرات مكتبه الاندلس اللي بيعملها الطلبه نفسهم بيخشو يحضرو معاكو وهو مش في اولى اعلام ويسجلو ويكتبو كل حاجه وبعدين يروحو يعملوها

اما امتحان الانجلش فاحنا كان بيدينا دكتور غير الدكتوره بتاعتكو للاسف وكان بيجيب الامتحان كلخ من الشيت وبيجيب قطعه وعليها اسئله زي بتاعت ثانويه عامه كدت كان بيجيبها من الكتاب والاختياري من الشيت وبقيت الاسئله كلها من الشيت

بس معرفش الدكتوره اللي بتديكو حتعمل كدا ولا لا

وفي مادة تانيه لو كنت خايف اللي هي ماده الحاسب بتاعنت حسنين احب اطمنك خااااااااااااااالص د حسنين في اخر السنه او في اخر الترم بيديكو صفحات من الكتاب هي اللي تذاكرو منها

في ماده ايه كمان نسيت
المهم انت لو عايز اي حاجه اسئل وانا اجاوبك

بس معلشي عشان في مواده الدكاتره اتغيرو وجابو دكاتره جداد ومش عارفه طريقتهم ازاي

**£ м ρ ë ŕ ό я** · 11-23-2008, 12:51 AM

مش قادر افهم 20 درجة متوزعه ازاى لانك قولتى الترم التانى الامتحان من 60 طيب ازاى وهو من 20 ياريت توضحيلى اكتر الدرجات بتتوزع ازاى
,,,
مذكرات مكتبة الاندلس ناس بتخش وتكتب وبتحضر طيب دول طلاب معانا فى اولى ولا ايه نظامهم
وهو بعد كل محاضرة هلاقى التلخيص اللى كاتبينه فى المكتبة
,,,
ولازمه ايه الشيت او نسبة الغياب والحضور فى النصف الاول مدام ال20 كلهم على الامتحان
,,,

شكرا طالبة لتفاعلك معى

**طالبه في معهد اعلام** · 11-23-2008, 01:53 PM

بص يا سيدي اعمال السنه 20درجه متوزعه على الترمين بس في نتيجه الترم الاول انت مش بتشوف درجات اعمال السنه بتشوف بس نتيجه ورقه الامتحان

امتحنات الترم الاول من 20

امتحانات الترم التاني من 60

يعني الشيت والحضور بتوع النرم الاول بيضمو للترم التاني

فهمتني

اما مكتبه الاندلس ايوا ناس بتخش وبتحضر معاكو او بيكونو متفقين مع حد معاكو في سنه اولى يبيعلهم المحاضرات وكدا

يا ريت تكون فهمت

يعني الترم الاول كله عليه درجه بس الامتحان و اعمال السنه اللي هي من وبتبقى في الترم الاول و في الترم التاني

بس في النتيجه مش بيحطو اعمال السنه فيس نتيجه الترم الاول

على فكره الكلام دا لما كنت انا في سنه اولى ممكن يكونو غيرو النظام انت ممكن تسال

وشكرا

**hishmm** · 11-24-2008, 08:32 PM

طيب سؤال انا مش بحضر امتحانات الميد ترم فيها حاجه طيب؟

استفسار | استفسار

الفرقة الاولى